Нұр Сұлтанда бір этникалық топтың мүшелері бопсалаушылық жасады деген күдікпен ұсталды

Күні: 18:25, 12-09-2019.

Астана 12 қыркүйек. ҚазТАГ - Нұр-Сұлтанда бопсалаушылық жасады деген күдікпен бір этникалық топтың мүшелері ұсталды, деп хабарлайды ҚР ҰҚК баспасөз қызметі.
«ҚР ҰҚК Нұр-Сұлтан қаласы бойынша департаменті этностық қылмыстық топтың құқыққа қарсы іс-әрекетінің жолын кесті, ол бизнес-орта өкілдерінің өмірі мен денсаулығына зиян келтіру қатері арқылы ақша қаражаттарын жүйелі түрде бопсалаумен айналысқан.
Ағымдағы жылдың 10 қыркүйегінде Елордада арнайы операция өткізіліп, аталған қылмыстық топтың жетекшісі мен мүшелері кәсіпкерден жалған қарызын қайтару үшін «Toyota» маркалы автокөлігін қорқытып  алу кезінде ұсталған.
Фигуранттарды ұстау барысында 11 оқ-дәрісі бар «Макаров» тапаншасы және 5 оқ-дәрісі бар травматикалық тапанша табылды.
Ұсталғандар Нұр-Сұлтан қаласының ПД уақытша ұстау изоляторына қамалды, сотқа дейінгі тергеу жүргізілуде», - делінген хабарда.


Жаңалықтармен бөлісу: