Нұр-Сұлтанда Жеңіс күніне орай ҰОС ардагерлері Т519 мыңнан алады

Күні: 10:44, 30-04-2019.

Астана. 30 сәуір. ҚазТАГ – Жеңіс күніне орай Нұр-Сұлтанда Ұлы Отан соғысының ардагерлері Т519 мыңнан алады, деп хабарлады елорда әкімдігінің ресми интернет-ресурсынан.
«Ұлы Отан соғысының 71 қатысушысы 519 мың теңгеден алады; Ұлы Отан соғысының қатысушылары мен мүгедектеріне берілетін жеңілдіктер мен кепілдіктер бойынша теңестірілген 332 адам 22 725 теңге (9 АЕК) алады; соғысқа қатысушыларға берілетін жеңілдіктер мен кепілдіктер бойынша теңестірілген өзге санаттағы 3 519 адам 11 363 теңгеден (4,5 АЕК) алады», - деп хабарлады қалалық жұмыспен қамту және әлеуметтік қорғау басқармасы ардагерлер және мүгедектермен жұмыс бөлімінің басшысы Гүлзада Жекебаева.
Сонымен қатар, соғыс ардагерлері мен оларға теңестірілген адамдар үшін коммуналдық қызметтерді төлеуге ақшалай өтемақы қарастырылған. Өтемақы 1 609 адамға беріледі. Оның жалпы сомасы 127 054 мың теңгені құрады.
Ұлы Отан соғысының ардагерлері және оларға теңестірілген 2 700 адамды дәрімен қамтамасыз етуге жалпы сомасы 33 500 мың теңге қарастырылған. 71 адам (жалпы сомасы 1 214,5 мың теңге) мерзімді басылымдарға, моншаға және шаштараз салондарына бару үшін әлеуметтік көмек алады. Ұлы Отан соғысының ардагерлері мен оларға теңестірілген адамдарға арналған санаторий-курорттық емдеумен 395 адам қамтылады (60 830 мың теңге).
Жекебаева мәлімдегендей, Ауғанстаннан әскерді шығарудың 30-жылдығына орай қосымша Ауғанстандағы соғыс қимылдарына қатысушылардың қатарынан Ұлы Отан соғысының қатысушылары мен мүгедектеріне теңестірілгендерге жеңілдіктер мен қосымша әлеуметтік көмек көрсетілді. 30 мың теңге көлеміндегі төлемді 1 264 адам алды.
Бұдан басқа, Ұлы Отан соғысының ардагерлері мен оларға теңестірілген адамдар қалалық жолаушылар көлігінде жеңілдікпен жол жүруге және тегін тіс протездеуге құқылы.

1 АЕК = Т2525.


Жаңалықтармен бөлісу: