Назарбаевқа Қостанай облысындағы автомобиль өндірісін дамыту туралы баяндалды

Күні: 18:18, 29-01-2019.

Астана. 29 қаңтар. ҚазТАГ – Қазақстан президенті Нұрсұлтан Назарбаевқа Қостанай облысындағы автомобиль өнеркәсібінің дамуы туралы баяндалды, деп хабарлады мемлекет басшысының баспасөз қызметінен.
«(Н. Назарбаев провел – КазТАГ) Қазақстан президенті Нұрсұлтан Назарбаев Қостанай облысының әкімі Архимед Мұхамбетовті қабылдады. Кездесу барысында Мемлекет басшысына өңірдің әлеуметтік-экономикалық даму барысы, сондай-ақ Жолдауда берілген тапсырмалардың орындалу нәтижелері туралы баяндалды. (…) Қостанай облысының әкімі Қазақстан Президентіне автомобиль өндірісін дамыту, инвестиция тарту және индустриялық жобаларды іске асыру жұмыстарының нәтижелері туралы мәлімдеді», - делінген сейсенбідегі Ақорда хабарында.
Елбасы мемлекеттік және салалық бағдарламаларды уақтылы әрі сапалы іске асырудың, сондай-ақ халықтың әл-ауқатын одан әрі арттыру үшін шаралар қабылдаудың маңызды екенін атап өтті.
«Қостанай облысының макроэкономикалық көрсеткіштерінің өсу қарқыны сақталып отыр. 2017 жылмен салыстырғанда өнеркәсіп өндірісі 8,3 пайызға, құрылыс саласы 22,3 пайызға өсіп, 300 мың шаршы метрге жуық тұрғын үй пайдалануға берілді», - деді А. Мұхамбетов.
«Облыста индустриялық аймақ құрылуда. Соның аясында 11 жоба әзірленіп жатыр. Соның ішіндегі ең ірісі – ауыл шаруашылығы хабын құру. Оның құрамына 600 мың тонналық қуаты бар арнайы мақсаттағы ұн өндіретін, жылына 1 миллион тонна жем дайындайтын, глютен өндіретін және майлы дақылдарды қайта өңдейтін цехтар кіреді. Бұл жоба ауыл шаруашылығындағы өнімділікті арттыруға бағытталған», - деді А. Мұхамбетов.
Қостанай облысының әкімі ауыл шаруашылығы техникасын өндіру, құрылыс материалдарын шығару, Арқалық қаласындағы ет өңдеу кешенін дамыту салаларына қатысты жобаларды жүзеге асыру, сондай-ақ шағын және орта кәсіпкерлікті қолдау шаралары жөнінде айтты.
«Кездесу соңында Нұрсұлтан Назарбаев бірқатар нақты тапсырма берді», - делінген хабарда.


Жаңалықтармен бөлісу: