Астана. 17 маусым. ҚазТАГ – Назарбаевқа жақын бірқатар шенеуніктерге ҚР әуежайларының арнайы залдарында қызмет көрсету жоспарлануда, делінген үкімет қаулысының жобасында.
«Қазақстан Республикасы әуежайларының арнайы залдарында қызмет көрсетілетін тұлғалар тізімі (…) келесі мазмұндағы 38-1, 38-2, 38-3, 38-4, 38-5 тармақтарымен толықтырылсын: «38-1. Қазақстан Республикасы тұңғыш президенті - Елбасы қорының атқарушы директоры және оның орынбасары; 38-2. Қазақстан Республикасы тұңғыш президенті - Елбасы кеңсесінің басшысы және оның орынбасары; 38-3. Қазақстан Республикасы тұңғыш президенті – Елбасының көмекшілері; 38-4. Қазақстан Республикасы тұңғыш президенті – Елбасының кеңесшілері; 38-5. Қазақстан Республикасы тұңғыш президенті – Елбасы кеңсесінің құрылымдық бөлімшелерінің басшылары», - делінген құжатта.
Қаулы жобасы 28 маусымға дейін қоғамдық талқылауға шығарылған.
Назарбаевқа жақын бірқатар шенеуніктерге ҚР әуежайларының арнайы залдарында қызмет көрсетілмек
