Назарбаев Алматыда бірқатар кездесулер өткізді

Күні: 17:47, 28-03-2019.

Алматы. 28 наурыз. ҚазТАГ – Қазақстанның тұңғыш президенті – Елбасы Нұрсұлтан Назарбаев Алматы резиденциясында бірқатар кездесу өткізді, деп хабарлады Ақорда баспасөз қызметінен.
Сонымен, Түркістан облысының әкімі Ө.Шөкеевпен болған кездесуде өңірдің қазіргі әлеуметтік-экономикалық даму мәселелері талқыланды.
«Облыс орталығы Түркістан қаласында құрылыс жұмыстарын жүргізу жоспарына ерекше назар аударылды», - делінген хабарда.
Сонымен Назарбаев «Қазақстан Халық банкі» АҚ директорлар кеңесінің төрағасы А.Павловпен өткен кездесуде тараптар еліміздің банк секторындағы қазіргі ахуалды және осы саланы одан әрі дамыту перспективаларын, сондай-ақ Қазақстанның қаржы нарығының өзекті мәселелерін талқылады.
Елбасы Нұрсұлтан Назарбаев «Орталық Азия Электр энергетикасы корпорациясы» АҚ директорлар кеңесінің төрағасы А.Клебановпен кездесу барысында электр-жылу энергиясын өндіру нарығын дамытудың және еліміздің өңірлерін энергиямен жабдықтау ісінде қауіпсіздікті қамтамасыз етудің өзекті мәселелеріне баса мән берді.
«Тараптар, сондай-ақ, энергиямен жабдықтау саласындағы тариф саясатын іске асырудың қазіргі үдерісін талқылады», - делінген хабарда.


Жаңалықтармен бөлісу: