Назарбаев Алматының қайта жөнделген көшелерін аралады

Күні: 16:20, 04-09-2018.

Астана. 4 қыркүйек. ҚазТАГ - Елбасы Алматы қаласының қайта жөнделген көшелерін аралап көрді, деп хабарлады мемлекет басшысының баспасөз қызметінен.  
«Қазақстан Президенті Алматы қаласына жұмыс сапары барысында жаяу жүргіншілер мен велосипедшілер үшін инфрақұрылымы қайта жасақталған Абай және Нұрсұлтан Назарбаев даңғылдарын аралап көрді», - делінген Ақорда сайтындағы хабарда.  
Қала әкімі Бауыржан Байбек Мемлекет басшысына шаһар тіршілігін сәулет-құрылыс жүргізу тұрғысынан реттеу үшін пилоттық режімде енгізілген жаңа дизайын-код әдісі жөнінде мәлімдеді.
«Бұл әдіс мегаполистің бірыңғай стилін қалыптастыруға арналған әрі бір құжатта нақтыланған ережелер мен ұсынымдарды айқындайды», - делінген хабарда.
Сонымен қатар, Нұрсұлтан Назарбаев жалпы ұзындығы 8,7 шақырымды қамтитын Тимирязев және Жандосов көшелерінің бойымен тартылған BRT көше-жол желісімен танысты.


Жаңалықтармен бөлісу: