Назарбаев елорда әуежайын қалпына келтіруге Т29 млрд бөлуді тапсырды

Күні: 13:28, 11-11-2014.

Астана. 11 қараша. ҚазТАГ – Мәдина Әлімханова. Қазақстан президенті Нұрсұлтан Назарбаев 2015 жылы елорда әуежайын қалпына келтіруге Т29 млрд бөлуді тапсырды.
«Елорда әуежайы осы жылда-ақ 3,5 млн адамдық өз максималды өткізу қабілетіне жетеді. Оның әлеуетін ұлғайту үшін 2015 жылы терминал құрылысы мен ұшу-қону жолағын қалпына келтіруге Т29 млрд бөлуді тапсырамын. Бұл оның өткізу қабілетін 7,1 жолаушыға дейін арттыруға мүмкіндік береді», - деді Н. Назарбаев сейсенбі күні өзінің Қазақстан халқына жолдауында.
Мұнымен қатар ол ЕХРО-2017 қарсаңындағы Астана көліктік инфрақұрылымының дамуына назар аударды.
«ЕХРО-2017 қарсаңында бізге Астананың көліктік инфрақұрылымының дамуы туралы қам жеу керек. Біз осының өзінде жолдар мен жүйрік троллейбус және оның маршруттарының дамуын ескеріп отырмыз», - деп атап өтті ол.


Жаңалықтармен бөлісу: