Назарбаев пен Путин ынтымақтастықтың 2018 жылғы нәтижелерін қорытындылады

Күні: 17:46, 29-12-2018.

Астана. 29 желтоқсан. ҚазТАГ – Нұрсұлтан Назарбаев Ресей Федерациясының Президенті Владимир Путинмен телефон арқылы сөйлесті. Мемлекеттер басшылары әңгімелесу барысында екі жақты ынтымақтастықтың 2018 жылғы нәтижелерін қорытындылады, деп хабарлады мемлекет басшысының баспасөз қызметінен.
«Мемлекеттер басшылары әңгімелесу барысында екі жақты ынтымақтастықтың 2018 жылғы нәтижелерін қорытындылап, Қазақстан мен Ресей арасындағы түрлі бағыттағы байланыстардың оң қарқынмен дамып келе жатқанын атап өтті», - делінген сенбідегі Ақорда хабарында.
Президенттер күн тәртібіндегі өңірлік және халықаралық өзекті мәселелерді, соның ішінде Ресей мен Украина арасындағы қарым-қатынастың қазіргі ахуалын талқылады.
Елдер көшбасшылары бір-бірін келе жатқан Жаңа жылмен құттықтап, Қазақстан мен Ресей халықтарына бейбіт өмір мен бақ-береке тіледі.
«Телефон арқылы сөйлесуге Ресей жағы бастамашы болды», - делінген хабарда.


Жаңалықтармен бөлісу: