Қостанай. 13 тамыз. ҚазТАГ – Қостанай полициясы қыз балаға тиіскен педофильді іздестіріп жатыр, деп хабарлады alau.kz.
«Ол жағдай қаланың қақ ортасында болды, шамамен 13 жасар қыз баламен сөйлесіп тұрған ер адамды байқадық. Сырттай қарасаң әдеттегі жағдай секілді, бірақ әйеліме бір түрлі болып көрінген. Жанына барып тоқтап едік, әлгі адамның оған әдемісің, мені сүйші деп жатқанын естідік. Мен бірден қасына жетіп бардым да, қыз баладан танисың ба деп сұрадым, ол жоқ деп жауап берді. Шынтағынан ұстадым да алып кеттім, ал ер адамды қуып жібердім. Біз ол қызға мұндай жағдайда айқайлау керек, қашу керек, көмек сұрау керегін түсіндірдік. Не боларын кім білген. Мүмкін бұл ер адам тағы біреулерге кез болған шығар. Мұқият болыңыздар», - деп жазған куәгер әлеуметтік желіде.
Хабарда нақтыланғандай, қостанайлықтар WhatsApp мессенджерінде күдікті педофильдің суретімен бірге хабарламаны таратуда. Тұрғындардан мұқият болуларын сұрайды.
Қостанай облысы полиция департаменті қазіргі таңда бүкіл жеке құрамының аталмыш ер адамды іздестіруге жұмылдырылғанын айтты.
«Аталмыш факт тіркелді. Полиция ол ер адамның кім екенін және болған жайтты анықтауға кірісті. Бағдар полиция жасақтарына жіберілді. Бұл ретте облыс орталығының тұрғындарынан осындай жайтқа кез болып қалса 102 нөміріне хабарласуларын сұраймыз», - деді Қостанай облысы ПД баспасөз қызметінен.
Қатысты сілтемелер
-
Түркістанда жолдарды түгендеу және паспорттау қызметіне Т150 млн жұмсамақ28 Наурыз 2024, 17:22
-
ТЖМ Қазақстандағы су тасқыны бойынша жедел ақпарат ұсынуға қауқарсыз болып шықты28 Наурыз 2024, 17:17
-
Ауыр қылмыс жасаған екі күдікті Түркиядан Алматыға жеткізілді28 Наурыз 2024, 17:07
-
Тоқаев ЭЫДҰ бас хатшысымен кездесті28 Наурыз 2024, 16:51
-
Қазақстанда 15 сәуірден жол жүрісі қауіпсіздігі бойынша жаңа жобаның пилоты басталмақ28 Наурыз 2024, 16:34