«Ой-Қарағай Лесная сказка» тау курорты маңындағы екі бау-бақша қауымдастығын жаңбыр суы басып қалды

Күні: 19:02, 09-04-2019.

Алматы. 9 сәуір. ҚазТАГ - Динара Жаркеева. «Ой-Қарағай Лесная сказка» тау курорты маңындағы екі бау-бақша қауымдастығын жаңбыр суы басып қалды, деп хабарлады Алматы облысы ТЖД баспасөз қызметінен.
«2019 жылдың 6 сәуірінде нөсер жаңбыр салдарынан Талғар ауданы Бесқайнар а/о, Бесқайнар ауылы, «Здоровье» а/о Родничковая көшесі №52,53,54,55,56,57 үйлердің, Садовая көшесі №2,3,4,5 үйлердің, Цветочная көшесі №51 үйдің ауласын су басқан. Үйлерге су кірмеген. Аулалардың суға кетуіне нөсер жаңбыр салдарынан «Здоровье» бау-бақша қоғамдастығының суаратын жүйесінің толуы және батпақтануы себеп болған», - деді сейсенбі күні ТЖД-ден.
Сонымен, ТЖ бөлімінің, Талғар ауданы әкімдігі мен «Ой-Карагай Лесная сказка» ЖШС қызметкерлері бау-бақша қоғамдастығындағы тұрғын үйлерден суды бұру жұмыстарын жүргізді.
«Қазіргі таңда аталмыш елді мекендегі жағдай қалыпты, Бесқайнар ауылдық округі әкімдігінің және «Ой-Карагай Лесная сказка» ЖШС қызметкерлері «Здоровье» бау-бақша қоғамдастығының суару жүйесін тазарту жұмыстарын жүргізуде»,- деді ведомстводан.


Жаңалықтармен бөлісу: