Астана. 7 қараша. ҚазТАГ – Махамбет Абжан. ҚР парламентінің сенаты «Қазақстан мен Украина арасындағы экстрадициялау туралы шартты ратификациялау туралы» заңды қабылдады.
«(Қазақстан мен Украина арсындағы экстрадициялау туралы – ҚазТАГ) шарт 2018 жылдың 29 қазанында Нұр-Сұлтанда жасалған. Шартта қылмыстық жауапқа тарту немесе сот үкімін орындау үшін екі ел арасында іздестіріліп жүрген азаматтарды экстрадициялау мәселесі қарастырылған. (…) Ондай келісім 21 елмен жасалған», - деді ҚР Бас прокурорының орынбасары Марат Ахметжанов бейсенбіде ҚР парламенті сенатының алқа отырысында.
«Қазақстан мен Украина арасындағы экстрадициялау туралы шартты ратификациялау туралы» Заң бірауыздан қабылданды.
Парламент Қазақстан мен Украина арасындағы шартты ратификациялауды мақұлдады
