Павлодар. 21 сәуір. ҚазТАГ – Павлодар облысында 1,2 мың га алқапты шарпыған орман өрті екі тәулік сөндірілді, деп хабарлады ҚазТАГ.
«Ертіс орманы» МРМ МОТР хабарлауынша, өрт 2021 жылдың 20 сәуірінде сағат 17.50-де сөндірілген. Қаза тапқандар мен зардап шеккендер жоқ. Келтірілген шығынды «Орман шаруашылығы және жануарлар дүниесі комитетінің Павлодар облыстық орман шаруашылығы және жануарлар дүниесі аумақтық инспекциясы» РММ анықтайды», - деп хабарлады Павлодар облысы ТЖМ.
Еске салсақ, 18 сәуірде сағат 13.34-те Шербақты ауданындағы «Ертіс орманында» құрғақ шеп пен қарағай өртенген. Басында өрт шарпыған аумақ шамамен 300 га құрайды деп хабарланған еді. Алайда түнде қызыл жалынның 1 мың га таралғаны белгілі болды. 19 сәуірде ТЖМ өрттің ауыздықталғанын жеткізді, алайда кейін белгілі болғандай, өрт шарпыған алаң 1,2 мың га жеткен.
Павлодар облысында 1,2 мың га алқапты шарпыған орман өрті екі тәулік сөндірілді
