Павлодар. 24 сәуір. ҚазТАГ – Павлодар облысында бір тәулікте үш саяжай алабында 60-қа жуық өрт тіркелген, деп хабарлады агенттік тілшісі.
«23 сәуірде сағат 11.39-да хабарлама келіп түсті: «Металлург» саяжайы, Центральная көшесі, темір жол жақтан кіреді, қолданыста жоқ алты бау-бақша учаскесінде құрғақ шөп, бау-бақша үйлерінің төбесінің ағаштары, қамыс жанып жатыр. Саяжайдың кімге тиесілі екені анықталуда. Себебі – от қауіпсіздігінің сақталмауы. Шығын анықталуда», - деп хабарлады сәрсенбі күні Павлодар облысы ТЖД баспасөз қызметінен.
Өрт сөндірушілер мәлімдегендей, ол күні үш қолданыстағы және 46 қолданыста жоқ бау-бақша учаскелерінде сегіз га алқапта құрғақ шөп, басындағы үйлердің ағаш төбелері мен қамыс өртенген.
«Олардың кімге тиесілі екені анықталуда. (…) Өртті сөндіруге ӨБ №2 – жеке құрамдағы тоғыз адам, екі авточистерна; ӨБ №34 – бір автоцистерна; ӨБ №1 – өрт сөндіру бөлімшелері, ӨБ №2 және бір автоцистерна жұмылдырылған», - деді баспасөз қызметінен.
«Здоровье» саяжай алабында бір үй түгелдей өртеніп кетсе, көрші учаскеде кірпіштен салынған үйдің ағаш төбесі өртенген.
Барлығы саяжай алқаптарында бір тәулікте 57 өрт тіркелген.
Павлодар облысында бір тәулікте үш саяжай алабында 60-қа жуық өрт тіркелген
