Павлодарда жарты метрлік сүмелек мұз жасөспірімге құлаған

Күні: 12:33, 07-03-2019.

Алматы. 7 наурыз. ҚазТАГ - Павлодарда жарты метрлік сүмелек мұз жасөспірімге құлаған, деп хабарлады pavlodarnews.kz.
«Жағдай келесі мекен-жайда орын алған: Короленко, 355. Бес қабатты үйдің подъезіне 16 жасар жасөспірім кіріп бара жатқан. Сол кезде үйдің төбесінен шамамен 50 см көлеміндегі сүмелек мұз сынып кетіп, жасөспірімнің иығына құлаған», - деп хабарлады ТЖ қалалық бөлімнің бастығы Ринат Валишанов.
Оның ақпарынша, көршісі жасөспірімнің аяғынан тұрып, подъезге кіруіне көмектескен. Ол бала үшін жедел-жәрдем шақырып, облыстық балалар ауруханасына жеткізген.
«Бас миы шайқалған жасөспірім травматология бөлімшесі дәрігерлерінің бақылауында. Оның жағдайы орташа ауыр, қанағаттанарлық деңгейге жақын», - деді ауруханадан.
Бұл ретте қала әкімдігінің жиналысында ПИК төрағасына үйлердің төбесіндегі барлық сүмелек мұздар мен қарларды тазалауға тапсырма берілді.
«Жедел түрде өздеріңізге бекітілген нөсер кәрізін, шатырды қардан, үйлердің ернеулерін, үйлердің маңындағы аумақтарды мұздақтардан тазарту қажет», - деп атап өтті тұрғын үй инспекциясы секторының меңгерушісі Нұрлан Рашитов.


Жаңалықтармен бөлісу: