Петропавл. 19 маусым. ҚазТАГ- Петропавлдағы екі ықшамауданда жаңа әлеуметтік сала мен тұрғын үй нысандарының құрылысы үшін жеке үйлер сүріледі, деп хабарлады қаланың құрылыс, сәулет және қала құрылысы бөлімінің басшысы Серік Сабралин.
«Жаңа нысандар Зайсан және Шығыс ықшамаудандарында тұрғызылады», - деді Сабралин «Қызылжар-адалдық алаңы» жобалық кеңсесіндегі брифингте.
Қалалық әкімдіктің қаулысына сәйкес, Советская – Сейфуллин – «Казахстанская правда» – Есіл – Жұмабаев көшелерінің бойында 57 жеке үй сүрілетін болады.
«Бұл жерде 900 орындық мектеп құрылысы қарастырылған, қазірдің өзінде үйлер сүріліп, мектептің іргетасы дайындалуда, құрылысқа ақша бөлінуде. Конкурстық рәсімдер жарияланған. Мектеп құрылысының аяқталу мерзімі – 2020 жыл», - деді бөлім басшысы.
Оның айтуынша, бұл аумақта екі 93 пәтерлік жалдамалы үй тұрғызу жоспарлануда – төрт апатты екі қабатты үйлер сүріледі.
Сонымен қатар, Шығыс ықшамауданында түрік инвесторларының көмегімен көпсалалы заманауи аурухана құрылысы жоспарланған.
Қалалық ТҮКШ-де хабарланғандай, тұрғын үйлерді сүру бойынша әкімдік қаулысы, учаскелердің нақты шекарасынікі секілді, бұл жерде әзірге жоқ.
Белгілісі, «Құлагер» ЖШС жеке иелігіндегі жер телімі мемлекет меншігіне қайтарылған.
Қатысты сілтемелер
-
Қазақстан мен Қытай арасында тәуліктік жүк беру 59,7 мыңнан асқан23 Сәуiр 2024, 12:19
-
Идеологиялық саладағы міндеттер бойынша кешенді жоспар жобасы дайындалуда – Бектенов23 Сәуiр 2024, 11:55
-
Қазақстанда су тасқыны салдарын жоюға 32 мыңнан астам адам жұмылдырылды23 Сәуiр 2024, 11:53
-
Қосшыда инженерлік желілерді салу жұмыстарына Т2,5 млрд жұмсамақшы23 Сәуiр 2024, 11:32
-
Алматының бірқатар ықшамауданында су беру уақытша шектеледі23 Сәуiр 2024, 10:27