Полицейлер Алматыда Көк-Төбе телемұнарасы жанындағы шатқалдағы өрттен қаза тапқан адамның кім екенін анықтауда

Күні: 11:25, 12-08-2019.

Алматы. 12 тамыз. ҚазТАГ - Полицейлер Алматыда Көк-Төбе телемұнарасы жанындағы шатқалдағы өрттен қаза тапқан адамның кім екенін анықтауда, деп хабарлады қаланың полиция департаментінің (ПД) баспасөз қызметінен.
«Қазіргі таңда Алматы полициясы адам өліміне қатысты тіркелген сотқа дейінгі бірыңғай тізілімде (СТБТ) тіркелу аясында қаза болған адамның кім екенін анықтап жатыр. Осы мақсатта сот медициналық сараптама, басқа да зерттеулер тағайындалды. Бұл зерттеулердің нәтижесінде адамның неден өлгені анықталады», - делінген дүйсенбіде таратылған хабарда.
Еске салсақ, 11 тамызда сағат 14.28-де Алматының «101» тетігіне Медеу ауданында дала өрті тұтанғаны туралы хабар келіп түсті: шамамен Көк-Төбе телемұнарасынан 1 км қашықтықта тау шатқалында шамамен 10 га алқапта құрғақ шөп өртеніп жатыр. Өртті сөндіру үшін ҚР ІІМ ТЖК ақпарынша, су бүрку құрылғысы бар екі тік ұшақ жұмылдырылған (ТЖК «Қазавиақұтқару» АҚ КА-32 және Алматы Құтқару қызметі МИ-8 МТВ-1). Құрғақ шөптің өрті сағат 19.58-де сөндірілді.
Сол күні өрт шыққан жердің төменгі жағында Алматыдағы Көк-Төбе телемұнарасы аумағында Диваев көшесі бойындағы шатқал арқылы өтетін №21 үйде шамамен 1 мың шаршы метр алаңда құрғақ шөптің өртенуі тіркелді. Өртті сөндіру кезінде адамның мұрдесі табылған. Оның жынысы мен кім екені анықталуда. Алматы ТЖД бастығы Серік Әубәкіровтың айтуынша, аталмыш өрттер бір-бірімен байланысты емес. Кейін өрттің сөндірілгені белгілі болды.


Жаңалықтармен бөлісу: