Полторанин қан допингін қолданбаған – Мұхамедиұлы

Күні: 15:16, 12-03-2019.

Астана. 12 наурыз. ҚазТАГ – Баубек Қоңыров. Қазақстандық спортшы Алексей Полторанин қан допингін қолданбаған, алайда дәрігерге барып, қан тапсырған, деп мәлім етті ҚР мәдениет және спорт министрі Арыстанбек Мұхамедиұлы.
«Бақытымызға орай, Полторанин қан допингін қолданбаған, алайда Германияда дәрігерге барып, қан тапсырған, бұл дәлелденген. Қазір біз қорғаушылармен және заңгерлермен байланыстамыз, және спортшының кінәсі допингті қолданғанында емес, қолданғысы келгенінде, осы бап бойынша. Бас жаттықтырушы да қанның қайта құйылмағанын айтты», -деді Мұхамедиұлы сейсенбіде үкімет отырысынан кейінгі баспасөз мәслихатында.
Ол нақтылағандай, қанның қабылданбағаны дерегін аустриялық полиция да растаған.
«Біздің ұстанымымыз спорттық емес әрекетке қарсы тұру, допингке қарсылық таныту, допингті қолданудың арты жақсы болмайды. Бұл жәй медальдардың соңына түсу, бәрібір арты ашылады, оның не қажеті бар бізге? Біз жазасын жеңілдету үшін шаралар қабылдаудамыз. (…). Біз мүдделі тарап ретінде, себебі ол Қазақстан азаматы, біз оны қорғауға міндеттіміз. Тек ол бұзған норма бойынша, қосымша кінәсі болмау үшін», - деп түсіндірді министр.
Естеріңізге сала кетейік, 27 ақпанда Австрияның құқық қорғау органдары қызметкерлері Германиядағы прокурорлармен бірігіп халықаралық допингтік желіге қарсы операция өткізді, оның ішінде Сефельд шаңғы спорты бойынша чемпионатта бірнеше ұлттық командалардың орналасқан жерінде жеті іздеу өткізілді және Австрия құрамасы екі спортшының допингке қарсы заңын бұзу туралы күдікті ретінде қамауға алынды, Қазақстан құрамасының бір спортшысы және Эстониядан екі спортшы ұсталды. Кейінірек қазақстандық спортшы Алексей Полторанин болғаны белгілі болды. 1 наурызда қазақстандық спортшы қан допингін қолданғанын мойындады.
Тергеу мәліметтерінше, тексеру барысында Германияда коммерциялық спорттық алаяқтықтың, заңсыз есірткілердің және допинг әдістерінің қолданылуына күмән келтірген спорттық дәрігері, доктор Марк С. бастаған қылмыстық топ әшкереленді. Австриялық құқық қорғау органдарының қызметкерлері қылмыскерлердің Эрфурттан және бірнеше спортшыларға арналған.
Австрияның құқық қорғау органдарының өкілдері қылмыскерлердің Эрфурт қаласынан жұмыс істегенін және бірнеше жылдан бері спортшыларға допинг беріп отырғанын айтты.
1 наурызда Халықаралық шаңғы жарысы федерациясы (FIS) Полторанинді және тағы төрт спортшыны жарыстарға қатысудан аластады.
4 наурызда ҚР Сыртқы істер министрінің орынбасары Ержан Ашықбаев парламент мәжілісінің кулуарында қазақстандық шаңғышы Алексей Полторанин қазақстандық дипломатшылармен байланысқа шығудан бас тартып отырғанын мәлімдеген еді.


Жаңалықтармен бөлісу: