ҚР-да коронавирустен қайтыс болғандарды жерлеу туралы қаулы 28 наурызға дейін шығады – Абаев

Күні: 18:01, 27-03-2020.

Астана. 28 наурыз. ҚазТАГ – Мәдина Әлімханова. Қазақстанның бас санитарлық дәрігерінің коронавирустен қайтыс болғандарды жерлеу туралы қаулысы 28 наурызға дейін шығады, деп хабарлады ақпарат және қоғамдық даму министрі Дәурен Абаев.
«Не бүгін кешке дейін, не болмаса ертең бас санитарлық дәрігердің ресми қаулысы шығады. Онда қатаң ережелер жазылады», - деді коронавирустен қайтыс болған жағдайда жерлеу рәсімінің қалай болуы керектігі туралы түсінік берген Абаев.
Бұл ретте ол атап өткендей, Қазақстан мұсылмандарының діни басқармасы тиісті фетва шығарған, ал Орыс православие шіркеуінің митрополиі мұндай жағдайға арналған жадынама шығарған.
Бұған дейін хабарлағандай, Нұр-Сұлтан маңындағы Қосшы ауылының тұрғыны 26 наурызда көз жұмған еді. Оның 13-17 наурыз аралығында Алматы мен Шу қалаларында қонақта болғаны белгілі болды. Алматыда онымен байланыста болған алты адам, Жамбыл облысында тоғыз адам анықталды.
Естеріңізге сала кетейік, 2019 жылдың желтоқсан айының соңында Қытайда этиологиясы белгісіз пневмония ауруы тіркелді. Соңғы мәліметтерге сәйкес, COVID-19 коронавирусынан туындаған пневмониямен ауыратын науқастардың жалпы саны 534,5 мыңға жуық, қайтыс болғандар – 24,1 мыңнан астам.
2020 жылдың 30 қаңтарында Қазақстан Қытайға автобус қатынасын (29 қаңтардан бастап), жолаушылар пойыздарын (1 ақпаннан) және әуе қатынасын (3 ақпаннан) тоқтататындығы белгілі болды. 6 ақпанда «Қазпошта» Қытаймен пошталық байланысты тоқтатты. 1 наурыздан бастап Қазақстан Оңтүстік Корея және Иранмен әуе тасымалын қысқартты.
Сондай-ақ, коронавирус Венгриядағы қазақстандықтан та табылды.
15 наурызда Қазақстан президенті Тоқаев 16 наурыздан бастап Қазақстанда төтенше жағдай жариялау туралы өкім етті.
17 наурызда ҚР президенті жанындағы ТЖ режимін қамтамасыз ететін Мемкомиссия Нұр-Сұлтан мен Алматы қалаларында 19 наурыз сағат 00.00-ден бастап карантин режимін енгізді. Соған байланысты азаматтар мен көліктердің кіруіне және шығуына шектеу енгізілген.
Қазіргі таңда Қазақстанда коронавирусты жұқтырудың 125 жағдайы тіркелді. 25 наурызда екі қазақстандықтың коронавирустан жазылып шыққаны хабарланған еді. Ал 26 наурызда Нұр-Сұлтанда бір әйел коронавирус инфекциясы салдарынан көз жұмды.


Жаңалықтармен бөлісу: