ҚР МСМ туризм индустриясы комитетінің жаңа төрағасы тағайындалды

Күні: 19:20, 19-02-2020.

Астана. 19 ақпан. ҚазТАГ – ҚР мәдениет және спорт министрлігінің туризм индустриясы комитетінің жаңа төрағасы тағайындалды, деп хабарлады ҚР премьер-министрінің баспасөз қызметінен.
«Дастан Адайұлы Рыспеков Президенттік жастар кадрлық резервінен ҚР Мәдениет және спорт министрлігінің Туризм индустриясы комитетінің төрағасы қызметіне тағайындалды», - делінген сәрсенбідегі хабарда.
Рыспеков 2007-2016 жылдары Алматы қаласында Экономика және бюджеттік жоспарлау департаментінде, Алматы қаласы бойынша Тексеру комиссиясында, Астана қаласы республикалық бюджеттің атқарылуын бақылау жөніндегі есеп комитетінде басшылық лауазымдарда жұмыс істеді. 2018-2019 жылдары — Павлодар облысы Кәсіпкерлік, сауда және туризм басқармасының басшысы, Павлодар қ.. 2019 жылдың сәуір айынан бастап «Астана ЭКСПО-2017» ҰК» АҚ Экономика және бюджетті жоспарлау департаментінің директоры қызметін атқарды.


Жаңалықтармен бөлісу: