Астана. 7 қараша. ҚазТАГ – Махамбет Абжан. ҚР Орталық сайлау комитетінің (ОСК) жаңа мүшесі тағайындалды.
ҚР парламенті сенатының отырысында ҚР ОСК мүшесі болып Щегорцова Анастасия Геннадьевна тағайындалды. Жаңа қызметке тағайындалғанға дейін ол ҚР ОСК аппаратының басшысы қызметін атқарған.
Щегорцова 2014-2017 жылдары «ҚазМедиа Орталығы» АҚ бас директорының орынбасары, 2017-2018 жылдары – «Орталық коммуникация қызметі» РМБ басшысы, 2018-2019 жылдары «Қазконтент» АҚ басшысының орынбасары болған.
Еске салсақ, 9 қазанда Зәуреш Баймолдина өз еркімен ҚР ОСК қызметінен кетті. Ол 2017 жылдың желтоқсанынан бері ОСК мүшесі болып келген еді.
Сол күні белгілі болғандай, Баймолдина ҚР Жоғары соты жанындағы Сот төрелігі академиясының ректоры болып тағайындалды.
ҚР орталық сайлау комитетінің жаңа мүшесі тағайындалды
