ҚР ВАК: ПТР-анықтамасы жоқ шетелдіктерді ұшаққа отырығузуға тыйым салу талабы тек шетелдіктерге ғана қатысты

Күні: 18:27, 27-10-2020.

Алматы. 27 қазан. ҚазТАГ – ПТР-анықтамасы жоқ шетелдіктерді ұшаққа отырғызуға тыйым салу талабы тек шетелдіктерге ғана қатысты, деп хабарлады ҚР үкіметінің баспасөз қызметінен.
«ҚР аумағында коронавирус инфекциясының таралуына жол бермеу жөніндегі ведомствоаралық комиссия (ВАК) ағымдағы жылдың 26 қазанынан бастап халықаралық әуе тасымалын жүзеге асыратын әуе компанияларына ПТР-тестінің нәтижелері туралы анықтамасы жоқ жолаушыларды ұшаққа отырғызуға тыйым салу туралы шешім қабылдады», - делінген сейсенбідегі хабарда.
Хабарда нақтыланғандай, талап тек шетел азаматтарына ғана қатысты.
«Шетелде жүрген ҚР азаматтарының әуе рейстерімен ПТР-тестілеуден өткені туралы анықтамасынсыз отанына оралуға құқығы бар. Мұндай жағдайда Қазақстанға келгеннен кейін қазақстандықтар ПТР-тестілеу нәтижесін алғанға дейін карантинге орналастырылатын болады», - деп хабарлады баспасөз қызметінен.
Хабарда атап өтілгендей, ҚР өңірлері арасындағы ішкі әуе рейстерінің ұшағына отырғызу кезінде ПТР-тест нәтижесі туралы анықтама талап етілмейді.


Жаңалықтармен бөлісу: