Ресей СІМ Қазақстан азаматтары сайлауда Назарбаевтың бағытын қолдайды деп үміттенеді

Күні: 16:04, 11-04-2019.

Алматы. 11 сәуір. ҚазТАГ – Ресей Қазақстан азаматтары мемлекет басшысының алдағы сайлауында елдің тұңғыш президенті Нұрсұлтан Назарбаев ұсынған даму бағытын қолдайды деп үміттенеді, деп хабарлады РФ СІМ басшысының орынбасары, баспасөз хатшысы Григорий Карасин.
«Сайлау болады деп жариялау елдің болашағын қалай құру керектігі туралы қазақстандық басшылықтың саналы қадамы екенін білдіреді деп санаймыз. Сайлау алды кампания барысында, сайлау кезінде Қазақстан азаматтары қазіргі таңда барынша сенімді, тұрақты жүзеге асырылып жатқан және елдің болашақ дамуына бағытталған бағытты қолдайды деп үміттенеміз», - деп келтірген бейсенбіде ТАСС Карасиннің сөзін.
Еске салсақ, 9 сәуірде Қазақстан президенті Қасым-Жомарт Тоқаев халыққа үндеу жариялады, ол үндеуде 2019 жылдың 9 маусымында кезектен тыс президент сайлауы өтетін мәлімдеді. Мемлекет басшысының тиісті жарлығына қол да қойылды.
19 наурызда Қазақстанның тұңғыш президенті Нұрсұлтан Назарбаев мемлекет басшысы лауазымындағы өз өкілеттігін 2019 жылдың 20 наурызынан бастап тоқтататыны туралы жарлыққа қол қойған еді. Келесі президент сайлауына дейін елді уақытша сенаттың экс-спикері Тоқаев басқарады.
Алдыңғы президент сайлауы да Қазақстанда 2015 жылдың 26 сәуірінде мерзімінен бұрын өткен еді. Ол кезде электораттың 97,75%-ы Нұрсұлтан Назарбаевқа дауыс берген.


Жаңалықтармен бөлісу: