Ресеймен шекаралас бірқатар ҚР өңірлерінде қарақұмық бағасы айтарлықтай көтерілді - мониторинг

Алматы. 10 қараша. ҚазТАГ – Данияр Дәуітәлиев. Ресеймен шекаралас бірқатар ҚР өңірлерінде қарақұмық бағасы айтарлықтай көтерілгенін, ҚазТАГ тілшілері азық-түлік бағаларына жүргізген мониторингі көрсетіп тұр.

Мысалы, меншікті тілшілердің мәліметтерінше, Петропавлда қарақұмық бағасы 1 кг үшін 69 теңгеге қымбаттап, Т191 болса, Оралда Т41-ге көтеріліп, Т171 болды, Ақтөбеде – Т31-ге қымбаттап, Т172-ден, Атырауда – Т12-ге қымбаттап, Т135-тен сатылып жатыр. Семейде де қарақұмық Т43-ке қымбаттап, Т197-ден сатылуда. Қарақұмық ең қымбат сатылып жатқан қалалар Астана мен Алматыда – сәйкесінше, Т290 және Т200-ден.

Еске салсақ, БАҚ мәліметтерінше, шекара маңындағы қазақстандық қалалардағы қарақұмық бағасының қымбаттауы биыл Ресейдегі қуаңшылықтан қарақұмық өнімі аз жиналуымен байланысты болып отыр.

Одан басқа, Астанада 1 кг күріш алдыңғы аймен салыстырғанда Т50-ге қымбаттап Т300-ден сатылуда. Өскеменде Т273 (+Т4) және Семейде – Т266 (+Т16).

Макарондарға ең қымбат баға Астанада - Т330 (+Т130) және Өскеменде (+Т13). Ең  арзаны Ақтауда – 1 кг үшін Т108.  

Шымкентте бидай ұнтағы өткен аймен салыстырғанда Т33-е қымбаттап, Т246-дан сатылуда, ал Таразда баға бұрынғысынша Т80 болып тұр. І сорт ұннан пісірілген нан бағасы Шымкенттегі Т37-ден Өскеменде Т63-ке дейін барады. Жалпы алғанда Қазақстанда нан бағасы өзгермеді десе де болады.

Еске салсақ, ҚазТАГ тілшілері азық-түлік бағасын есептегенде әр өнім бағасын үш сауда нүктесінде: супермаркет, базар мен тілшінің үйінің жанындағы дүкендерден алып, орташа бағасын шығарып, еліміздің басқа қалаларындағы бағамен салыстырады. Ұсынылып отырған кестеде аталған қалалардағы бағалармен салыстырылған орташа бағалар көрсетілген.

 

	І сорт нан	Ұн, 1 кг	Күріш, 1кг	Қарақұмық, 1 кг	Макарондар, 1 кг	Бидай ұнтағы, 1 кг
Ақтау	58 (0)	143 (0)	231 (0)	125 (0)	108 (0)	206 (0)
Ақтөбе	47 (-3)	125 (-23)	234 (+4)	172 (+31)	127 (-10)	112 (-16)
Алматы	57 (0)	153 (+3)	240 (-5)	200 (0)	140 (-10)	141 (0)
Астана	55 (0)	300 (-10)	300 (+50)	290 (-10)	330 (+130)	200 (+40)
Атырау	46 (0)	173 (+4)	228 (+13)	135 (+12)	168 (+13)	125 (+3)
Қарағанды	44 (-1)	142 (+4)	209 (-7)	145 (+38)	125 (-5)	100 (0)
Көкшетау	60 (-1)	133 (-3)	235 (-11)	143 (-10)	165 (-20)	126 (+13)
Павлодар	49 (0)	112 (-24)	244 (-10)	107 (-8)	138 (-18)	97 (-1)
Петропавл	50 (+4)	129 (+3)	222 (+6)	191 (+69)	158 (-7)	116 (-7)
Семей	55 (+2)	137 (0)	266 (+16)	197 (+43)	145 (-8)	142 (-31)
Талдықорған	53 (0)	247 (0)	261 (0)	163 (0)	142 (0)	217 (0)
Тараз	43 (0)	287 (0)	230 (0)	120 (0)	180 (0)	80 (0)
Орал	45 (-2)	118 (-6)	191 (-29)	171 (+41)	150 (+4)	125 (-9)
Өскемен	63 (0)	137 (-5)	273 (+4)	187 (-5)	256 (+13)	200 (+14)
Шымкент	37 (-2)	128 (+12)	235 (-6)	130 (-25)	162 (+2)	246 (+33)