Сәрсенбі күні Қазақстанның басым аумағында жауын-шашынды, оңтүстігінде кей жерлерде - қатты жауын-шашын күтіледі

Күні: 09:25, 30-01-2019.

Астана. 30 қаңтар. ҚазТАГ – Сәрсенбі күні Қазақстанның басым аумағында жауын-шашынды, оңтүстігінде кей жерлерде - қатты жауын-шашын күтіледі, деп хабарлады «Қазгидромет» РМК баспасөз қызметінен.
«Қазақстанның басым аумағында циклонның және фронталдық бөліктердің өтуіне орай жауын-шашын түседі, оңтүстігінде – кей жерлерде қаттты жауын-шашын болады. Республика бойынша кей жерлерде көктайғақ, тұман, төменнен сырма соғады, жел күшейеді», - деп хабарлады синоптиктер
Астанада құбылмалы бұлтты, жауын-шашынсыз. Оңтүстік-шығыстан 5-10 м/с жел тұрады. Ауа температурасы түнде -17-19, күндіз -8-10.
Алматыда құбылмалы бұлтты, жауын-шашынсыз, түнде тұман, 2-7 м/с жел тұрады. Ауа температурасы күндіз +1+3, түнде -6-8.
Шымкентте жауын-шашын күтіледі, 1 м/с жел тұрады. Ауа температурасы күндіз +3+12, түнде +3+5.
Алматы облысында жауын-шашынсыз, кей жерлерде тұман күтіледі, 15-20 м/с жел тұрады, Аалакөл көлдерінің аудандарында 20-25, екпіні 30 м/с және одан да жоғары болады. Күндіз +1+6, түнде -6-11 (солтүстігінде -26).
Жамбыл облысында күндіз жауын-шашын күтіледі, кей жерлерде тұман, көктайғақ, 15-20 м/с жел тұрады, екпіні 23-28 м/с дейін жетеді. Ауа температурасы күндіз +5+10 (солтүстігінде -10), түнде -3-8.
Қызылорда облысында күндіз өңір бойынша, түнде кей жерлерде жауын-шашын күтіледі, кей жерлерде тұман, көктайғақ, 15-20 м/с жел тұрады, екпіні 23-28 м/с жетеді. Күндіз 0+5 (оңтүстігінде 8), түнде 0-5 (оңтүстігінде +3).
Түркістан облысында жауын-шашын күтіледі, күндіз кей жерлерде қатты, кей жерлерде тұман, көктайғақ, 17-22 м/с жел тұрады, ертеңгісін жне күндіз екпіні 27 м/с жетеді. Күндіз +5+10, түнде +2+7.
Шығыс Қазақстан облысында жауын-шашынсыз ауа райы күтіледі, кей жерлерде төменнен сырма соғады, түнді және ертеңгісін кей жерлерде тұман, кей жерлерде 15-20 м/с жел тұрады, күндіз екпіні 25 м/с. Күндіз -15-20, түнде -29-34.
Маңғыстау облысында жауын-шашынсыз, кей жерлердетұман күтіледі, түнде кей жерлерде 15-20 м/с жел тұрады. Күндіз -2+3, түнде 0-5.
Атырау облысында түнде кей жерлерде аздаған қар жауады, тұман, көктайғақ. Күндіз -2-7, түнде -6-11.
Батыс Қазақстан облысында түнде кей жерлерде қар жауады, тұман түседі, көктайғақ. Күндіз -5-10, түнде -7-12.
Ақмола облысында күндіз кей жерлерде аздаған қар жауады, кей жерлерде 15-20 м/с жел тұрады. Күндіз -8-13, түнде -15-20.
Қостанай облысында кей жерлерде қар жауады, 15-20 м/с жел тұрады, бұрқасын. Күндіз -5-10, түнде -8-13.
Ақтөбе облысында кей жерлерде қар жауады, күндіз 15-20 м/с жел тұрады, кей жерлерде – төменнен сырма соғады. Күндіз -7-12, түнде -5-10.
Солтүстік Қазақстан облысында кей жерлерде қар жауады, төменнен сырма соғады, тұман, күндіз кей жерлерде 15-20 м/с жел тұрады. Күндіз -10-15, түнде -16-21.
Қарағанды облысында күндіз кей жерлерде қар түседі, кей жерлерде тұман түседі, күндіз кей жерлерде 15-20 м/с жел тұрады, төменнен сырма соғады. Күндіз -5-10, түнде -15-20 (оңтүстігінде -10).
Павлодар облысында жауын-шашынсыз. Күндіз -14-19, түнде -23-28.
«Алдағы тәулікте республиканың оңтүстігіндегі, оңтүстік-шығысындағы өзендерде су деңгейінің құбылуы байқалады. Қазақстанның қалған су нысандарында гидрологиялық режимде айтарлықтай өзгерістер күтілмейді », - деді синоптиктер.


Жаңалықтармен бөлісу: