Астана. 26 мамыр. ҚазТАГ – Сәрсенбі күні Қазақстанның бірқатар облыстарында қатты ыстық күтіледі, деп хабарлады «Қазгидромет» РМК баспасөз қызметінен.
«Күндіз 27 мамырда Жамбыл облысында +40 дейін қатты ыстық күтіледі», - делінген сейсенбіде таратылған дауылды ескертуде.
Солтүстік Қазақстан облысында сәрсенбі күні түнде және ертеңгісін кей жерлерде тұман күтіледі. Солтүстік-шығыстан түнде кей жерлерде 15-20 м/с жел тұрады.
«27 мамырда Шығыс Қазақстан облысында кей жерлерде найзағай, бұршак, дауыл күтіледі. Солтүстік-батыстан, солтүстіктен cоғатын желдің күші түнде кей жерлерде 15-20, күндіз 15-20, екпіні 25 м/с күтіледі. Өскеменде ертеңгісін және күндіз 27 мамырда найзағай, бұршақ күтіледі. Солтүстік-батыстан, солтүстіктен ертеңгісін және күндіз екпіні 15-20 м/с жел тұрады. Семейде 27 мамырда солтүстік-батыстан, солтүстіктен екпіні 15-20 м/с жел тұрады», - деп хабарлады «Қазгидрометтен».
27 мамырда Түркістан облысының кей жерлерінде шаңды дауыл, шығыстан 15-20, екпіні 23 м/с желдің күшеюі сақталады. Күндіз басым бөлікте 41°С қатты ыстық күтіледі. Түркістан қ.: 27 мамырда күндіз шығыстан 15-20 м/с желдің күшеюі, 41°С қатты ыстық күтіледі.
«27 мамырда күндіз Қызылорда облысында 44°С қатты ыстық күтіледі. Жел солтүстік-шығыстан соғады, түнде кей жерлерде 15-20 м/с, күндіз 15-20, кей жерлерде 25 м/с шаңды дауылмен сақталады», - делінген хабарда.
Күндіз 27-28 мамырда Ақтөбе облысында кей жерлерде +35+39 қатты ыстық күтіледі.
«Күндіз 27-29 мамырда Маңғыстау облысында кей жерлерде +38+40 қатты ыстық күтіледі», - деді синоптиктер.
Дауылды ескертудің ықтималдығы 90-100%.
Сәрсенбі күні Қазақстанның бірқатар облыстарында қатты ыстық күтіледі
