Салықтық жеңілдіктерді Т200 млрд-ға қысқарту болжануда – ұлттық экономика министрлігі

Күні: 18:34, 16-10-2014.

Астана. 16 қазан. ҚазТАГ - Нұргүл Жігер. «Салық салу мәселелері бойынша ҚР кейбір заңнамалық актілеріне өзгерістер мен толықтырулар енгізу туралы» заң жобасы қабылданған жағдайда салықтық жеңілдіктерді қысқарту    Т200 млрд-ға бағалануда, деп хабарлады ҚР ұлттық экономика бірінші вице-министрі Марат Құсаинов.  

«Салық жеңілдіктеріне жүргізілген ревизия, парламентке енгізілген салық салу мәселелері жөніндегі түзетулер нәтижесінде 200 млрд-тан астам теңгеге жеңілдіктерді алып тастау болжануда», - деді М.Құсаинов бейсенбіде ҚР парламенті сенатының салық салу мәселелері жөніндегі дөңгелек үстел отырысында.  

Ол келесі жеңілдіктер алынып тасталуы мүмкін екенін айтты:   «ауыл  шаруашылығын өндірушілер үшін арнайы салық режимі аясында жер салығын   70% қысқарту; стратегиялық инвестициялық жобалар үшін мүлік және жер салығынан босату; девиденттерге салық салу бойынша жеңілдіктер; нақты аяқталу мерзімі көрсетілген уақытша жеңілдіктер».


Жаңалықтармен бөлісу: