Астана. 12 шілде. ҚазТАГ – «Сарыарқа» хоккей клубы мемлекетке қайтарылды, деп хабарлады Қарағанды облысы прокуратурасының баспасөз қызметінен.
«2023 жылғы 12 шілдеде президент "Заңсыз иемденілген активтерді мемлекетке қайтару туралы" заңға қол қойды. Негізгі міндеті заңсыз иемденілген активтерді анықтау және мемлекетке қайтару, сонымен қатар экономикалық ресурстарды заңсыз шоғырландыруға және активтерді заңсыз шығаруға ықпал еткен себептер мен жағдайларды анықтау болып табылады. Прокуратура заңсыз берілген 37 жер телімін, сондай-ақ құны 900 миллион теңге болатын "Сарыарқа" хоккей клубын мемлекет меншігіне қайтарды. Қазір прокурорлар мемлекеттік мүлікті жекешелендірудің заңдылығын тексеріп жатыр», - делінген жұмадағы хабарда.
Хабарда атап өтілгендей, қазір прокурорлар мемлекеттік меншікті жекешелендірудің заңдылығын тексеруде.
«Мемлекеттің экономикалық мүддесін қалпына келтіру мақсатында мемлекет меншігіндегі барлық заңсыз сатып алынған және жекешелендірілген нысандар бойынша прокурорлық бақылау және тексеру шаралары жүргізілетін болады», делінген хабарда.
«Сарыарқа» хоккей клубы мемлекетке қайтарылды
