Астана. 25 наурыз. ҚазТАГ – Сауд Арабиясынан 30-дан астам қазақстандық үйлеріне оралды, деп хабарлады ҚР сыртқы істер министрлігінің баспасөз қызметінен.
«Қазақстанның Әскери-әуе күштері әскери-көлік авиациясының атсалысуымен Қазақстанның 33 азаматы «Джидда - Ақтау» бағыты бойынша аман-есен үйіне оралды. Бұл азаматтар Корольдіктің аумағында болған және Сауд билігі COVID-19 таралуына қарсы шаралар қабылдау аясында шектеу шараларын енгізіп, халықаралық әуе, жер үсті және теңіз қатынастарына толық тыйым салу салдарынан елден шыға алмай қалған», - делінген сәрсенбіде таратылған хабарда.
Ведомство ақпарынша, қазіргі уақытта Сауд Арабиясының аумағында Қазақстан Республикасының 100-ге жуық азаматы өз еркімен қалды. Олардың көпшілігі келісімшарт бойынша Корольдіктің түрлі қалаларында жұмыс істейді. Оның ішінде туристік визамен келген және Мекке мен Медина қалаларында уақытша жүрген 11 адам бар.
Сауд Арабиясынан 30-дан астам қазақстандық оралды
