Сенбі күні Қостанай мен СҚО-да дауылды ескерту жарияланды

Күні: 15:07, 22-02-2019.

Астана. 22 ақпан. ҚазТАГ – Сенбі күні Қостанай мен Солтүстік Қазақстан облыстарында дауылды ескерту жарияланды, деп хабарлады «Қазгидромет» РМК баспасөз қызметінен.
«23 ақпанда Қостанай облысының кей жерлерінде жаяу бұрқасын, тұман, көктайғақ, оңтүстік-батыстан соғатын желдің күші 15-20 м/с күтіледі», - делінген жұмада таратылған дауылды ескертуде.
Дауылды ескертудің ықтималдығы 90-95%.
«23 ақпанда Солтүстік Қазақстан облысында кей жерлерде жаяу бұрқасын болады. Оңтүстіктен, оңтүстік-батыстан жел соғады күші 15-20, кей жерлерде екпіні 23 м/с күтіледі. Петропавл қаласында 23 ақпанда жаяу бұрқасын болады, оңтүстіктен, оңтүстік-батыстан жел соғады күші 15-20 м/с күтіледі. Дауылды ескертудің ықтималдығы 90-95%», - делінген хабарда.


Жаңалықтармен бөлісу: