Сейсенбі күні Қазақстанның тек оңтүстік-батысында ғана жауын-шашынсыз ауа райы күтіледі

Күні: 09:31, 16-10-2018.

Астана. 16 қазан. ҚазТАГ - Сейсенбі күні Қазақстанның тек оңтүстік-батысында ғана жауын-шашынсыз ауа райы күтіледі, деп хабарлады «Қазгидромет» РМК баспасөз қызметінен.  
«Бұрынғысынша республиканың басым бөлігінде тұрақсыз ауа райы сақталады, жауын-шашын түседі, оңтүстігінде, оңтүстік-шығысында кей жерлерде қалың жауын-шашынды, тек оңтүстік-батысында ғана жауын-шашын болмайды.  Кей жерлерде жел тұрады, тұман, көктайғақ», - делінген синоптиктердің болжамында.
Астанада құбылмалы бұлтты, жауын-шашынды, тұман, көктайғақ, солтүстіктен 5-10, екпіні 14 м/с жел тұрады, күндіз 0+2. Ауа ластануының  жағымсыз метеорологиялық жағдайы күтілмейді.  
Алматыда бұлтты, кейде жауын-шашынды, 3-8 м/с жел тұрады, күндіз +4+6.  
Жамбыл облысында жауын-шашынды, кей жерлерде тұман, көктайғақ, 15-20 м/с жел тұрады, түнде екпіні 23-28, облыстың оңтүстік-шығысында 30 м/с және одан астам,  +3+8.
Ақмола, Қостанай, Қарағанды, Павлодар, Шығыс Қазақстан, Қызылорда облыстарында кей жерлерде қар аралас жаңбыр жауады, тұман, көктайғақ, 15-20 м/с жел тұрады, Шығыс Қазақстан облысында екпіні 25 м/с жетеді, сәйкесінше,   0+5, +1+6, 0+5, +1+6, +7+12, +5+10.
Алматы, Түркістан облыстарында кей жерлерде жауын-шашынды, тұман, 15-22 м/с жел тұрады, +4+9, +7+12.
Атырау, Солтүстік Қазақстан облыстарында кей жерлерде жауын-шашынды, тұман,  +9+14, 0+5.
Маңғыстау өңірінде жауын-шашынсыз ауа райы күтіледі, +12+17.
Батыс Қазақстан және Ақтөбе облыстарында аздаған жауын-шашынды,  +14+19, +2+7.
Алдағы тәулікте Түркістан облысының шетіндегі Сырдария өзенінде су көлемінің артуы күтіледі.   Республиканың оңтүстігіндегі, оңтүстік-шығысы мен шығысындағы жекелеген өзендерде су деңгейі құбылып тұрады.  
    


Жаңалықтармен бөлісу: