Сейсенбі күні Қазақстанның басым бөлігінде жаңбыр жауады деп күтілуде

Күні: 09:20, 02-10-2018.

Астана. 2 қазан. ҚазТАГ - Сейсенбі күні Қазақстанның басым бөлігінде жаңбыр жауады деп күтілуде, деп хабарлады «Қазгидромет» РМК баспасөз қызметінен.
«Қазақстанның солтүстік, орталық және шығыс өңірлері бұрынғыша  атмосфералық  фронталдық бөліктердің ықпалында болады,  бұл аймақтарда кей жерлерде жаңбыр жауып, оңтүстік-шығысы мен шығысында найзағай ойнайды.  Республика бойынша кей жерлерде тұман түседі, жел күшейеді», - делінген синоптиктердің хабарында.
Астанада құбылмалы бұлтты, түнде және ертеңгісін аздаған жаңбыр жауады, солтүстік-батыстан 7-12 м/с жел тұрады, күндіз екпіні 15 м/с, +11+13.  Сондай-ақ ауа ластануының жағымсыз метеорологиялық жағдайы күтілмейді.
Алматыда құбылмалы бұлтты, жауын-шашынсыз, 0-5 м/с жел тұрады, +24+26.    
Шығыс Қазақстан облысында кей жерлерде өткінші жаңбыр жауады, күн күркірейді, 15-20 м/с жел тұрады, екпіні күндіз 25 м/с, +20+25.  
Алматы облысында Жалаңашкөл ауданы маңында 17-22 м/с жел тұрады, тау маңында өткінші жаңбыр жауады, күн күркірейді, +22+27.  
Ақмола облысында кей жерлерде 15-20 м/с жел күшейеді, түнде және ертеңгісін тұман, түнде сондай-ақ, жауын-шашынсыз ауа райы күтіледі, +8+13.
Қызылорда облысында  кей жерлерде күн ашық, жауын-шашынсыз, түнде және ертеңгісін тұман, күндіз 15-20 м/с жел тұрады, +25+30.
Солтүстік Қазақстан облысында кей жерлерде күн ашық, жауын-шашынсыз, тұман, күндіз 15-20 м/с жел тұрады, +7+12.
Қарағанды, Атырау облыстарында түнде және ертеңгісін кей жерлерде тұман күтіледі, сәйкесінше, +19+24, +20+25. Қарағанды ауданында бұл ретте аздаған жаңбыр күтіледі.  
Күндіз Жамбыл, Түркістан облыстарында кей жерлерде 15-20 м/с жел тұрады,   +23+28, +25+30. Бұл ретте Түркістан өңірінде тауларда жаңбыр күтіледі.  
Батыс Қазақстан, Атырау, Ақтөбе облыстарында күн ашық, жауын-шашынсыз,  +13+18, +20+25, +12+17,  түнде кей жерлерде  -3.
Маңғыстау және Қостанай өңірлерінде күн ашық, жауын-шашынсыз,  +24+29, +11+19.
Павлодар облысында  жаңбыр жауады,  +8+13.
Түркістан, Қызылорда, Маңғыстауда, Жамбыл, Алматы, Атырау, Ақтөбе, Қарағанды облыстарының кей жерлерінде төтенше өрт қауіптілігі сақталады.  
Алдағы тәулікте республиканың оңтүстігіндегі, оңтүстік-шығысындағы және шығысындағы өзендерде су деңгейінің құбылуы күтіледі.  


Жаңалықтармен бөлісу: