«Шығыс Қазақстанда сел жүру қаупі бар маусым басталды. Өңірде барлығы 13 сел жүру қаупі бар ошақ және тоғыз көшкін жүруі ықтимал учаске бар», – делінген хабарламада.
ШҚО ТЖД баспасөз қызметінің мәліметінше, қауіпті аймақтар Катонқарағай және Зайсан аудандарында, сондай-ақ Риддер мен Алтай қалаларында орналасқан.
Аталған аудандардың таулы жоғарғы бөліктерінде 144 мореналық көл қалыптасқан, олар 11 елді мекен үшін әлеуетті қауіп төндіреді.
«Сел жүру қаупі бар кезеңде "Қазселденқорғау" ММ мамандары көлдердің жай-күйін, толу деңгейін және сел мен көшкін ағындарын тудыруы мүмкін факторларды бақылауда ұстайды», – деп мәлім етті ШҚО ТЖД.
Облыста сырғыма қаупі бар 9 учаске бар: Громотуха және Уба-Риддер, Бұқтырма, Хамир, Черновая-Алтай ауданы, Бұқтырма-Катонқарағай ауданы, Кендірлік-Зайсан ауданы.
Жағдайды бақылау үшін тоғыз маусымдық және бір жыл бойы жұмыс істейтін гидробекет орнатылған. Сел жүру қаупі бар учаскелерге 20 ескерту және тыйым салатын белгі, ал көшкін қауіпті аймақтарға 18 белгі қойылған.
Фото көзі: Пресс-служба ДЧС ВКО