Алматы. 12 шілде. ҚазТАГ – Шығыс Қазақстан облысында рейстік Семей-Алакөл автобусы өртеніп кетті, деп хабарлады ШҚО ТЖД баспасөз қызметінен.
«Бүгін таңертең Таскескен-Бахты тас жолында Семей-Алакөл бағытындағы рейстік автобус өртенді. Жолда Lifan маркалы жолаушылар автобусының мотор бөлігіндегі бөлшектер жанып, өрт автобус доңғалағы мен салонның ішіне тараған», - делінген жұмада таратылған хабарда.
Хабарда атап өтілгендей, автобус салонында 12 жолаушы болған, алайда ешкім зардап шеккен жоқ, адамдар жолдан көлік ұстап, сапарларын жалғастырған.
«Өрт орнында №17 өрт сөндіру бөлімінің өрт сөндірушілері жұмыс жасады. Өрт сағат 6.30-да толық сөндірілді. Өрт алаңы 32 ш.м. құрады. Өрт аса қауіпті агрегатты дұрыс қолданбаудан шығуы мүмкін деп болжануда», - деді ТЖД-ден.
Қатысты сілтемелер
-
Маңғыстау облысында магистральдық газ құбырында жарылыс болды19 Наурыз 2024, 12:05
-
Сейсенбі күні Қазақстанның басым өңірінде жаңбыр мен қар жауады деп күтілуде19 Наурыз 2024, 08:50
-
Тоқаев Қазақстанның креативті индустрия өкілдерімен кездесті18 Наурыз 2024, 17:47
-
Түркістан облысында 30 жастағы қыз құдықтың құбырына құлап кеткен18 Наурыз 2024, 17:39