Астана. 30 шілде. ҚазТАГ – Шалғын көбелекпен күресу үшін пестицидтерді субсииялауға Т32,3 млрд бөлінді, деп хабарлады ҚР ауыл шаруашылық министрлігінің баспасөз қызметінен.
«Ағымдағы жылы еліміздің Солтүстік, Ақтөбе және Шығыс Қазақстан облыстарында климаттық жағдайларға байланысты шалғын көбелегінің жаппай көбею қаупі өсіп отыр. Министрлік тарапынан осы зиянды организмнің нақты таралу ареалын анықтау үшін қажетті фитосанитариялық тексерулер жүргізілді. Бүгінгі таңда 306,59 мың га жер зерттелді, жалпы таралу ауданы 16,979 мың га құрайды, оның ішінде Ақтөбе облысында таралу ауданы 2,892 мың га құрайды. Зиянкестің мемлекеттік қордағы жерлердің арам шөптерінде, сондай-ақ дәнді және майлы дақылдар егістіктерінің бойында таралуы байқалады. Биыл пестицидтерді субсидиялауға жалпы 32,3 млрд.теңге, оның ішінде Ақтөбе облысына 545,8 млн. теңге бөлінген», - делінген жұмадағы хабарда.
Айта кету керек, АӨК дамытудың 2017-2021 жылдарға арналған мемлекеттік бағдарламасы аясында, ауыл шаруашылығы тауарын өндірушілер мен бизнес өкілдерінің бастамаларына сәйкес, 2020 жылдан бастап шалғын көбелегіне қарсы қорғау шараларын жүргізу жөніндегі жауапкершілік пестицидтер құнының шығындарын 50% - ға дейін өтеу үшін субсидиялар бере отырып, жергілікті атқарушы органдардың құзыретінен, ауыл шаруашылығы тауарын өндірушілердің құзіреттеріне берілген.
Техникалық қайта жарақтандыру бойынша инвестициялық субсидиялар беру аясында шаруа және фермерлік қожалықтарға өсімдіктерді қорғау құралдарын енгізу бойынша бүріккіштерді арзандату үшін өздігінен жүретін бүрку техникасы құнының 50% - ына дейін субсидиялау көзделген, сондай-ақ тракторлардың құнын арзандатылатын болады, отандық өндіріс тракторлары бойынша құнының 30% - ына дейін, импорттық өндіріс үшін 25% - ына дейін субсидиялау көзделген.
Қазіргі уақытта Ақтөбе облысының әкімдігімен 2,2 мың га алаңда химиялық өңдеу жүргізуге қаржы бөлінген. Қорғау іс – шараларын жүргізу тиімділігі жоғары бүріккіш техника-газ генераторларын пайдалану арқылы жүзеге асырылады.
Шалғын көбелекпен күресу үшін пестицидтерді субсииялауға Т32,3 млрд бөлінді
