Шамда 1,5 мыңнан астам ТМД жалдамалары соғысуда

Алматы. 23 қазан. ҚазТАГ – Шамда (Сирия) 1,5 мыңнан астам ТМД жалдамалары соғысуда, деп хабарлады ТАСС, ТМД антитеррорлық орталығының баспасөз қызметіне сілтемелеп.
«Шамдағы қақтығыстарға қатысып жүрген содырлардың арасында Орталық Азия өңірі мен Ресей Федерациясынан  шыққандар саны артып келеді. Біздегі мәліметтер бойынша, бүгіндері Шамдағы соғысқа қатысып жүргендер арасында 1,5 мыңдай ТМД азаматтары бар», - деді ведомство басшысы Андрей Новиков БҰҰ антитеррорлық орталығының 2-ші халықаралық конференциясында.  
Оның айтуынша, ТМД елдерінен азаматтар әр түрлі діни оқуларға деп шығып кетіп, кейін Шам соғысына қатысуда.
А. Новиковтың айтуынша, үлкен проблема болып отырғаны - Шам соғысынан қайтып келген азаматтар ТМД елдерінде әр түрлі террорлық актілерге бару қаупі.
Оның айтуынша, ТМД елдерінде ондай содырлыққа қарсы тұру үшін тиісті заңдар қабылданып, ондай адамдардың тізімдері жасалып, қолға түскендері жауапкершілікке тартылып жатыр. Сондықтан, дейді ол, осындай жалдамалылар туралы БҰҰ, Интерпол, ШЫҰ, ТМД мен АСЕАН тиісті құрылымдарының арасында ақпарат алмасып отыру қажеттігі бар.