Шымкент әкімінің жаңа орынбасары тағайындалды

Күні: 18:32, 25-02-2020.

Шымкент. 25 ақпан. ҚазТАГ - Шымкент әкімінің жаңа орынбасары тағайындалды, деп хабарлады қала әкімінің ресми сайтынан.
«Шымкент қаласы әкімінің өкімімен қала әкімінің орынбасары болып Алмасбек Кеңесбекұлы Мамытбеков тағайындалды», - делінген сейсенбідегі хабарда.
А.Мамытбеков 1994-2005 жылдар аралығында Шымкент қаласының бірқатар басқармаларында бас маман, бөлім бастығы қызметттерін атқарған.
Бұдан бөлек, Оңтүстік Қазақстан облысы ішкі саясат басқармасының бастығы, Оңтүстік Қазақстан облысы әкімінің бас инспекторы, "Nur Otan" партиясы Оңтүстік Қазақстан облысы филиалы төрағасының бірінші орынбасары, ОҚО Ордабасы ауданының әкімі және Түркістан облысы еңбек инспекциясы жөніндегі басқарма басшысы - Түркістан облысының Бас мемлекеттік еңбек инспекторы қызметтерін атқарған.


Жаңалықтармен бөлісу: