Шымкент–Леңгір тас жолында көпірдің тіреуіне соғылған көлік жолаушысы өртеніп кетті

Күні: 11:15, 08-04-2019.

Алматы. 8 сәуір. ҚазТАГ – Шымкент–Леңгір тас жолында көпірдің тіреуіне соғылған көлік жолаушысы өртеніп кетті, деп хабарлады Otyrar.
«7 сәуірде Шымкент-Леңгір автожолында яғни, Қапал батыр көшесінде жаға ұстатарлық жол апаты орын алды. Жоғары жылдамдықпен келе жатқан «Audi 100» автокөлігі көпірдің бетон тіреуіне соғылған. Салдарынан автокөлік өртеніп кетті. Жүргізуші жедел жәрдеммен ауруханаға жеткізілді. Шетелдік көліктің жолаушысы оқиға орнында көз жұмды», - делінген хабарда.
Оқиға куәгерлері алдыңғы орында өртенген мәйітті көргендерін айтуда.
«Тексерілмеген мәліметтерге қарағанда, машинада тағы екі адам болған. Оқиға орнына өрт сөндірушілер келіп, қызыл жалынды сөндірді. Тексеру жұмыстары жүргізілуде», - делінген хабарда.


Жаңалықтармен бөлісу: