Шымкент «қызыл» аймақтан, ал Қостанай «жасыл» аймақтан шығып қалды

Күні: 16:56, 18-05-2021.

Астана. 18 мамыр. ҚазТАГ- Шымкент «қызыл» аймақтан, ал Қостанай «жасыл» аймақтан шығып қалды, деп хабарлады агенттік тілшісі.
Сейсенбі күні ұсынылған өңірлердегі эпидемиологиялық жағдайды бағалау матрицасына сәйкес қатаң шектеу шараларын енгізу көзделген "қызыл" аймақта Нұр-сұлтан, Алматы қалалары, сондай-ақ Ақмола, Атырау, Батыс Қазақстан, Қарағанды облыстары бар.
Қолданыстағы карантиндік шараларды сақтау және олардың сақталуын бақылауды күшейту көзделген "сары" аймақта Алматы, Ақтөбе және Павлодар облыстары бар. Оларға «қызыл» аймақтан Шымкент, «жасыл» аймақтан Қостанай қосылды.
Жағдай тұрақты деп бағаланатын "жасыл" аймақта шектеу шараларын әлсірету мүмкіндігімен Шығыс Қазақстан, Жамбыл, Маңғыстау, Түркістан, Қызылорда және Солтүстік Қазақстан облыстары бар.
Қазақстан өзі болса "сары" аймақта.


Жаңалықтармен бөлісу: