Шымкенттің суландыру жүйесінің жөндеу жұмыстарына бюджеттен Т146 млн бөлінді

Күні: 13:18, 24-10-2014.

Шымкент. 24 қазан. ҚазТАГ - Шымкенттің суландыру жүйесінің жөндеу жұмыстарына бюджеттен Т146 млн бөлінді, деп хабарлады өңірлік БАҚ.  
«Шымкент құрылысының бас жоспарына сәйкес қала маңындағы ауылдарға қосымша көпірлер мен су айдайтын арналар орнату керек», - делінген жұмадағы хабарда.  
Хабарда айтылғандай, жаңа суландыру арналары облыс орталығының 16-шы және 4-ші ықшам аудандарында орнатылады. Забадам ауылында тағы бір су ағызатын арна қазылады. Осы шараларға Т27 млн-нан астам қаржы жұмсау жоспарлануда.
Қаладағы қолданыстағы арналар мен суландыру жүйелерін  тазартуға   бюджеттен Т45 млн бөлінген.  
Сондай-ақ «Жаңашек» үлкен арнасының жөндеу жұмыстары жалғасуда. Ол Орынбаев көшесінен Қызыбек би көшесіне дейін созылып жатыр. Жұмыс құны - Т74 млн.


Жаңалықтармен бөлісу: