Тұрақты қорға азық-түлік алу үшін Қызылорда облысының билігі қосымша Т180 млн бөлді

Қызылорда. 11 қазан. ҚазТАГ - Тұрақты қорға азық-түлік алу үшін Қызылорда облысының билігі  қосымша Т180 млн бөлді, деп хабарлады облыс әкімдігінің баспасөз қызметінен.  
«Биыл барлығы қор екі мың тоннадан картоп пен күріш, 500 тонна қант, 100 тонна макарон, 50 тонна өсімдік майы, 60 тонна тұз, 10 тонна шәй сатып алуы керек, аталмыш азық-түлікті сатып алуға облыс бюджетінен қосымша 180 миллион теңге бөлінді», - деді әкімдікте сенбі күні.  
Баспасөз қызметінде тұрақты қорда қазіргі таңда 500 тонна сәбіз, 1 мың тонна жуа, 500 тонна картоп, 87,6 тонна күріштің жалпы сыйымдылығы 3250 тоннаны құрайтын көкөніс сақтау қоймасында сақтаулы екенін айтты.  
Бұл ретте барлық өнімдердің қаланың әр ықшамауданында орналасқан 12 сауда нүктелері мен дүкендерде нарықтағы бағадан   10-20% төмен бағамен сатылатыны айтылған. Сонымен қатар Қазалы ауданы мен Аралда әлеуметтік дүкендер де ашылған.
«Болашақта аталмыш дүкендер облыстың барлық ауданында жұмыс жасайтын болады», - деді әкімдікте.