Түркістан облысында 2018 жылы 332 мың тонна шитті мақта жинау жоспарлануда

Күні: 13:22, 18-09-2018.

Алматы. 18 қыркүйек. ҚазТАГ – Түркістан облысында 2018 жылы 332 мың тонна шитті мақта жинау жоспарлануда, деп хабарлады өңір әкімінің баспасөз қызметінен.
«Түркістан облысы бойынша өткен жылы 134,5 мың гектар мақта дақылы егіліп, 330,5 мың тонна шитті мақта жиналған болатын. Ал ағымдағы жылы 132,7 мың гектар егіліп, болжам бойынша әр гектарынан 25 центнерден 332 мың тонна шитті мақта жинау жоспарлауда», - деп хабарлады сейсенбіде облыс әкімдігімен.
ҚР Ауыл шаруашылығы министрлігінің 2018 жылғы 12 шілдедегі № 297 бұйрығына сәйкес, мақта өңдеу кәсіпорындарына тапсырылған 1 тонна өніміне 10 мың теңге субсидия төлеу жоспарлануда. Бұл бағытқа 2,7 млрд. теңге қаржы қаралып отыр.
«Биылғы жылы көктемгі және күзгі дала жұмыстарын жүргізуге 78,2 мың тонна жанар-жағар май бөлініп, көктемгі дала жұмыстарын жүргізуге бөлінген 38 мың тонна жанармай толығымен тауар өндірушілерге босатылған. Ал күзгі дала жұмыстарына бөлінген 40,2 мың тонна жанар-жағар майдың қаржысы толық төленіп, бүгінгі таңға 19,5 мың тоннасы тауар өндірушілерге босатылды», - делінген хабарда.
Әкімдікте мәлімдегендей, жанар-жағар майдың ауылшаруашылық тауар өндірушілеріне берілген бағасы ішкі нарықтағы бағадан 20 теңге арзан.
«Облыс бойынша жиналған шитті мақтаны алғашқы өңдеуден өткізетін 23 лицензияланған мақта өңдеу кәсіпорындарының 304 мақта қабылдау бекеттері бар. Негізінен өңделген мақта талшығының 85-90 пайызы Ресей, Беларусия, Латвия, Литва мен Қытай сынды елдеріне экспортталады», - деді Түркістан облысы әкімдігінен.
Еске салсақ, Түркістан облысында мақта жинау қыркүйектің бірінші жартысының аяғында басталды.


Жаңалықтармен бөлісу: