Астана. 24 маусым. ҚазТАГ – Түркістан және Қостанай облыстарында +41 ыстық, найзағай және күшті жел күтіледі, деп хабарлады «Қазгидромет» РМК баспасөз қызметінен.
«25 маусымда күндіз Түркістан облысының басым бөлігінде 41 С қатты ыстық күтіледі», - делінген дүйсенбіде таратылған дауылды ескертуде.
Хабарда атап өтілгендей, таңертең және күндіз 25 маусымда Қостанай облысының кей жерлерінде найзағай күтіледі. Солтүстік-батыстан соққан жел оңтүстік-батысқа ауысады, күндіз кей жерлерінде 15-20 м/с күтіледі. Қостанай қ: 25 маусымда күндіз найзағай, солтүстік-батыстан соққан жел оңтүстік-батысқа ауысады екпіні 18 м/с күтіледі. Дауылды ескертудің ықтималдығы 90-95%.
Түркістан және Қостанай облыстарында +41 ыстық, найзағай және күшті жел күтіледі
