Астана. 29 сәуір. ҚазТАГ – «Талибан» Қазақстанға кенорындарының картасын береді, деп хабарлайды Қазақстан үкіметінің баспасөз қызметі.
«Бірлескен жобаларды анықтау және оларды іске асыру үшін тараптар екі елдің мамандарынан техникалық комитет құруға келісті. Бастапқы кезеңде ауған тарапы Қазақстанға перспективалы кен орындары белгіленген карталар мен тиісті зерттеулерін береді», – делінген хабарламада.
Қазақстан вице-премьері Серік Жұманғарин Ауғанстанның мұнай және шахта министрі Шахабуддин Делавармен кездесуде геологиялық барлау, пайдалы қазбаларды өндіру саласындағы ынтымақтастық перспективаларын талқылады. Келіссөздерге отандық ERG Exploration және Kazakhmys Barlau өкілдері қатысты.
Біздің үкімет атап өткендей, Ауғанстан аумағының пайдалы қазбаларды өндіруге орасан зор әлеуеті бар. Елде мұнайдың, табиғи газдың, тас көмірдің, темір және түсті кеннің, сирек кездесетін металдардың бай қоры бар.
Қазақстан басшылығының еспетеуінше, еліміз мұнай мен газдың, қатты пайдалы қазбалардың айтарлықтай қорына ие бола отырып, көптеген жылдар бойы құрылыс-монтаждау жұмыстары, ұңғымаларды күрделі жөндеу, сараптама, зертханалық зерттеулер, сондай-ақ жобалау, инжиниринг және бұрғылау саласында шетелдік жеткізушілермен еркін бәсекелесе алатын мұнай сервисі және өндіруші компаниялардың кәсіби пулын қалыптастырды.
Бүгінде Қазақстанда геологиялық барлауға жеке инвестициялардың өсу үрдісі байқалады. Атап айтқанда, соңғы бес жылда қатты пайдалы қазбаларды барлауға инвестициялар 2,5 есе өсті (2018 жылғы 33,9 млрд теңгеден 2023 жылы 82 млрд теңгеге дейін).
«Талибан» Қазақстанға кенорындарының картасын береді
