Тоқаевқа Жаңаөзеннің дамуы туралы баяндалды

Күні: 18:47, 03-06-2020.

Астана. 3 маусым. ҚазТАГ – Қазақстан президенті Қасым-Жомарт Тоқаевқа Жаңаөзеннің дамуы туралы баяндалды, деп хабарлады Ақорда баспасөз қызметінен.
«Мемлекет басшысы Маңғыстау облысының әкімі Серікбай Трұмовты қабылдады. Қазақстан Президентіне Маңғыстау облысының қоғамдық-саяси ахуалы мен әлеуметтік-экономикалық жағдайы, аймақтағы коронавирусқа қарсы күрес шаралары және Жаңаөзен қаласын кешенді дамыту жоспарының орындалу барысы жайында баяндалды», - делінген сәрсенбідегі хабарда.
Сонымен қатар Серікбай Трұмов Қасым-Жомарт Тоқаевқа облыс экономикасын әртараптандыру, өңдеу өнеркәсібі мен туризм, көлік-логистика бағыттарын дамыту, ауылшаруашылығы саласындағы шағын несиелеуді қолдау шаралары туралы айтты.
«Мемлекет басшысы өңірдегі қоғамдық-саяси жағдайдың тұрақтылығын қамтамасыз ету, өндірісті дамыту мен аймаққа инвестиция тарту, туризм саласындағы жобаларды жүзеге асыру және коронавирус індетіне қарсы күрес жөнінде бірқатар тапсырма берді», - деді Ақордадан


Жаңалықтармен бөлісу: