Тоқаев Трампты сайлауда жеңіске жетуімен құттықтады

Астана. 6 қараша. ҚазТАГ- Қазақстан президенті Қасым-Жомарт Тоқаев Дональд Трампты АҚШ-тағы президенттік сайлаудағы жеңісімен құттықтады, деп хабарлайды Ақорданың баспасөз қызметі.

«Мемлекет басшысы Қасым-Жомарт Тоқаев Америка Құрама Штаттары президентінің сайлауында айқын жеңіске жеткен Дональд Трампқа құттықтау жеделхатын жолдады. Қазақстан президенті қауіпсіздік, ядролық қаруды таратпау, инвестиция салаларындағы екіжақты ынтымақтастық дәйекті түрде дами беретініне сенім білдірді»,- делінген сәрсенбі күнгі хабарламада.

Қазақстан президенті Трампқа Америка халқының өсіп-өркендеуі жолындағы, сондай-ақ жаһандық тұрақтылық пен қауіпсіздікті қамтамасыз етудегі қызметіне табыс тіледі.

Фото көзі: Пресс-служба Акорды.


adimage