Астана. 24 наурыз. ҚазТАГ – Президент Қасым-Жомарт Тоқаев Қатар әмірі шейх Тамим бен Хамад Аль Танимен телефон арқылы сөйлесті, деп хабарлады Ақорда.
«Мемлекеттер басшылары бір-бірін қасиетті Рамазан айының басталуымен құттықтап, Қазақстан мен Қатар халықтарына бақ-береке тіледі.
Әңгімелесу барысында сауда-экономикалық, инвестициялық және гуманитарлық салалардағы екіжақты ынтымақтастықты одан әрі нығайту перспективалары талқыланды. Сондай-ақ Қатар Әмірінің былтыр қазан айында Астанаға жасаған мемлекеттік сапары барысында қол жеткізілген уағдаластықтарды тиімді жүзеге асыру мәселесіне ерекше назар аударылды», - делінген бейсенбідегі хабарда.
Тараптар екі ел арасындағы өзара сауда-саттық қарқынын сақтауға және қаржы саласындағы инвестициялық жобаларды іске асыруға ниетті екенін растады.
Токаев телефон арқылы Қатар әмірімен сөйлесті
