Қызылорда облысының екі экс-полицейі алаяқтық жасағаны үшін әрқайсы 3 жылға сотталды

Күні: 11:47, 06-11-2014.

Алматы. 6 қараша. ҚазТАГ – Қызылорда облысында аудандық ішкі істер бөлімі криминалды полиция бөлімшесінің бұрынғы басшысы мен оперативтік уәкілі алаяқтық жасағаны үшін әрқайсы 3 жылға бас бостандығынан айырылды, деп хабарлады облыстық соттың баспасөз қызметі.
«Шиелі аудандық сот үкімімен сотталушылар ҚР ҚК 177 б. 3 б. «г» т. (алаяқтық) қарастырылған қылмыстарды жасағаны үшін айыпты деп танылды, оларға мүлкін тәркілеумен бірге 3 жылға бас бостандығынан айыру түріндегі жаза тағайындалды», - делінген сот хабарында.
Іс материалдарына сүйенсек, сотталушылар А. мен М. есімді азаматтар зардап шегушіге Т400 мыңға қылмыстық жауаптылықтан қашып құтылуға уәде еткен. Сол сомадан олар Т50 мыңнан алып үлгерген.
Үкім заңды күшіне енген жоқ.


Жаңалықтармен бөлісу: