Қызылордалық аграрийлер Астанадағы жәрмеңкеге 440 тонна азық-түлік өнімдерін әкеледі

Қызылорда. 24 қазан. ҚазТАГ – Қызылордалық аграрийлер Астанадағы жәрмеңкеге 440 тонна ауыл шаруашылық азық-түлік өнімдерін әкеледі, деп хабарлады облыс әкімінің баспасөз қызметінен.
«Сенбі күні қызылордалықтар Астана қаласында ауыл шаруашылық жәрмеңкесін өткізеді.  Жалпы құны 72 млн. теңгені құрайтын 30-ға жуық өнім түрін апарады. 15 ауыр салмақты жүк көлігімен Сыр дихандары 440 тонна ауыл шаруашылық өнімдерін нарық бағасынан 20 пайыз арзан бағада сатпақ», - делінген облыс әкімшілігінің баспасөз қызметі жұма күні таратқан хабарда.  
Жәрмеңкеде  көпке танымал «Ақмаржан» күріші, Аралдың балығы, Сыр қауыны, одан бөлек ет және көкөніс  өнімдері болады. Сондай-ақ, Астана жұртшылығына көтеріңкі көңіл–күй сыйлау үшін  қызылордалық өнерпаздары өнер көрсететін болады.