Жаңаөзендегі балалар алаңында екі ананың төбелесі видеоға түсіп қалған

   Ақтау.31 наурыз.ҚазТАГ- Жаңаөзендегі балалар алаңында екі ананың төбелесі видеоға түсіп қалған, деп хабарлайды «Лада».
   «Жаңаөзендегі балалар алаңында екі ананың төбелесі видеоға түсіп қалған. Кадрларда қарсыластардың бір-бірін қалай ұрғаны көрсетілген. Ер адамдар төбелеске қатысушыларды ажыратуға тырысты»,- делінген жұма күнгі жазбада.
   Облыстық полиция департаментінің баспасөз қызметі екі әйелдің де жеке басы анықталғанын хабарлады.
   «Олар Жаңаөзен полиция бөліміне жеткізілді. Әйелдердің бір-біріне шағымы жоқ, арыз жазбаған. Олармен профилактикалық әңгіме жүргізілді» деді бөлімнің баспасөз қызметі.
  Әйелдер арасындағы жанжалдың себептері айтылмады.

adimage