Астана. 29 қазан. ҚазТАГ – Жамбыл облысының билігі бұқаралық ақпарат құралдарында (БАҚ) материал жариялауға екі айда Т50 млн жұмсамақ, деп хабарлады агенттік тілшісі.
«Тапсырыс беруші – "Жамбыл облысы әкімдігінің ішкі саясат басқармасы" КММ; атауы – Ақпараттық материалдарды дайындау және басып шығару бойынша/бұқаралық ақпарат құралдарында орналастыру бойынша қызмет көрсетулер (Жамбыл облысында (Тараз қаласы мен барлық аудандарда) таралатын БАҚ арқылы мемлекеттік ақпараттық сяасатты жүргізу бойныша қызметтер); жоспарлы сомасы – Т50 млн», - делінген 23 қазанда мемлекеттік сатып алу порталында орналастырылған лот сипаттамасында.
Конкурсқа қатысуға өтінім қабылдау 26-28 қазан аралығында жүрген. Қазір берілген өтінімдерді қарау кезеңі. Техникалық ерекшелікке сәйкес қызметтердің 2020 жылы көрсетілуі керектігін ескерер болсақ, әлеуетті жеткізушінің аталмыш Т50 млн. соманы игеруге екі-ақ айы ғана бар.
Өтінімдерді ашудың 28 қазандағы хаттамасына сәйкес қатысуға тек бір ғана заңды тұлға өтінім берген - «Aulieata-Media» ЖШС. Мемлекеттік БАҚ-тағы материалдарға сүйенсек, ол ЖШС 2020 жылдың жазында ғана холдинг түрінде құрылған, оның құрамында «Ақ жол», «Знамя труда» және «Арай» газеттері бар.
Жамбыл облысы мемақпараттық тапсырысқа екі айда Т50 млн жұмсамақ – қаржы кімге бұйырар екен?
